Associazione Cavalieri Macomer

Salvatore Murgia Niola
abile cavaliere competente pastore stimato poeta

1964 - Donna Vera Piercy premia Salvatore Murgia Niola su turbine in occasione del Concorso ippico di Macomer

S' achetu meu

Como sos caddos sun tottu iscapos
in sa tanca paschinde isfainados:
bona parte nemancu sun domados,
a contu insoro faghen sas pariglias
e in su zostru sun seddas e briglias
prenas de pruer, ranzolos e napos.

Da chi los miro deo a oju fissu
che torro a sa passada pizzinnia
cando s'achetu mùrtinu tenia
e chi poi no fut solu su meu
ca fumis ses in domo e su rodeu
ognunu 'e nois faghiat cun issu.

Ma sa die chi fut in possa mia
e l'aprontai a sa festa 'e su monte
fu pro me sena fine s'orizonte
e mi paria jòmpidu a s'aera
ca de s'achetu meu in sa gropera
chentu pizzinnas de jugher creia.

Ma mi bastait a nde sezzer una,
sa ch'in mente e in coro aia fissa,
e da chi fumis subra deo e issa
su caddu in-terra pes no nde poniat:
prus in altu 'e sas nue che feriat
a costazu 'e sole e de sa luna.

Muros crisuras, lèbiu che bentu
sartiaiat su caddittu meu:
si li naria a si pesare reu
cun duas ancas caminait solu.
Parimis totu un'èssere, ca a bolu
cumprendiat su meu pensamentu.

Ma sa festas passain in lestresa
sende chi sas peleas fun sighidas!
Cantas in subra sua sun finidas
brocas de late, e giutas a casera?
No b'est de las contare sa manera
ne de lu fagher deo apo pretesa.

Poi finidos sun soso tempos cruos
cando an postu sas màchinas in usu
e issu portantadu no at piusu
però fut sempre isetande in sa jaga
e fizos mios cun pompa e cun braga
pasizaiat che ch'esseren suos.

Cando aiat passadu soso vint'annos
m'an cunvintu a lu dare in continente.
Pòberu achetu! In ateru ambiente
solu parizzos meses est duradu.
S'urtimu muru sou at sartiadu
cun su brincu prus mannu 'e sos prus mannos

fonte: Frinas di Salvatore Murgia Niola

Concorso ippico di Macomer

Il poeta durante il percorso di gara e al momento della premiazione, consegna la coppa l'onorevole Isgrò